Aaj jab bajar me,
Maa-baap se jidd kart ek bachche ko dekha,
To yaad aae wo anginat lamhe,
Jab hum bhi shaitaniyan atkheliyan karte the,
Jab fikr naa thi koi, chintaen koso dur thi,
Jab hum bhi jidd kar maa-baap se jhagadte the.
Yaad aae aaj wo pal,
Jab dada ji ke chashme almari me chupate the,
Dadi ji ki chadi se pankha ghoomate the,
Tyohaar ka jab bhi mausam aata tha,
Badi mehnat se mithae churate the,
Aur phir kone me jakar chup-chup ke khate the.
Aaj wo din yaad aae,
Jab soti bahna ko dara ke uthate the,
Chup-chup ke uski saari baatein suna karte the,
Maa ke hath ki pahli roti ke liye,
Hum sab se lad jate the,
Aur naa milne pe, muh fula chat pe bhag jaate the.
Aaj wo baatein yaad aae,
Jab gali me hum sab kanche khelte the,
Ghar-ghar ke khel me, gudde guddiya ka byah rachate the,
Jhoolon ke liye aapas me ladte the,
Ek-dusre se kabhi roothte to kabhi manaate the,
Jaanbhuj ke pani ke gaddhe me chalang lagate the.
Aaj wo lamhe yaad aae,
Jab sabko satate the, ullu banate the,
Barish ke naalon me kagaj ki kashti chalate the,
School na jaane ke liye tikdam lagate the,
Kabhi sir to kabhi pet dard ka bahana banate the,
Aur jab kabhi aati thi humari shikayat, maa ke aanchal me jaa ke chup jaate the.
Sochte sochte kab aankh chalak aae, ye malum na pada,
Kab savere se sanjh ghir aae, ye pata na chala.
Duniya ki raftaar me itna doob gaya insaan,
Ki wo bachpan, kisi unkhuli kitab ki terah kahin kho gaya.
Waqt ke sath jaise ret ki tah jam jati hai aaine pe,
Usi terah se dhumil ho gaya hai wo bachpan.
4 comments:
Simply Gr8, .......... mujhe bhi apne bachpan ke din yaad aa gaye ..........
aankho me paani aagya yaar........
Really ..... nice.....
wowwwwwwwwwww
dats gr8 work
making 2 think 4 a while about own childhood
excellent.........
well it's a masterpiece.. naah not exaggeration but trust me.. it took me back to my childhood days...
Jab gali me hum sab kanche khelte the,
Ghar-ghar ke khel me, gudde guddiya ka byah rachate the,
Jhoolon ke liye aapas me ladte the,
Ek-dusre se kabhi roothte to kabhi manaate the,
Jaanbhuj ke pani ke gaddhe me chalang lagate the.
that was exactly me.. and with the words that you have put in
Bachpan phir aaj bhi humein lalchaata hai,
Wapas humein le to jaa nahi sakta,
Bas nam aankho par yaadein aur hontho par muskuraahat de jaata hai...
well this is the first poem that i came across of your's on orkut profile.. but trust me..
it's great!
Keep writing..
:)
beautiful expression... loved it.
though all of the 'harkatein' listed here, i still do all of them :)
lol..
really nice poem.
Post a Comment